نشرت الجريدة الرسمية قرار وزارة التموين والتجارة الداخلية بخصوص توحيد أوزان عبوات الشاي وتنظيم استيراده، القرار ده يهم كل الشركات والمصانع اللي بتشتغل في المجال ده.
قرار المادة الأولى
في المادة الأولى، الشركات اللي بتستورد الشاي الخام أو مصانع تعبئة الشاي لازم تلتزم بأوزان معينة لعبوات الشاي اللي هتبيعها، الأوزان هي: (25 – 40 – 50 – 100 – 225 – 250 – 500 – 1000) جرام، وكمان بالنسبة لأكياس الشاي -شاي فتلة- لازم يكون وزن الكيس 2 جرام، والعبوة تكون فيها 10 أو 25 كيسًا أو مضاعفات العدد الأخير
قرار المادة الثانية
بالنسبة للشركات اللي بتستورد شاي خام غير معبأ، لازم تقدم بيان شهري لوزارة التموين عن الكميات المستوردة وعمليات البيع، البيان ده لازم يتضمن الكميات المسلَّمة، اسم المنشأة المستلمة وعنوانها، فواتير البيع الضريبية المعتمدة، ترخيص مزاولة النشاط، السجل التجاري، وما يفيد التسجيل بالهيئة القومية لسلامة الغذاء.
(المادة الثالثة)
الشركات والمصانع اللي بتستورد الشاي الخام ومصانع التعبئة عندهم مهلة لحد 1 / 4 / 2026 لتصريف العبوات اللي تم تعبئتها قبل كده حسب القرارات السابقة.
(المادة الرابعة)
أي مخالفة لأحكام القرار ده هتكون عقوبتها حسب المادة 56 من القانون رقم 95 لسنة 1945.
(المادة الخامسة)
كمان، القرارات الوزارية أرقام 324 لسنة 2000، و214 لسنة 2020، و99 لسنة 2023، و25 لسنة 2024، و165 لسنة 2024، و222 لسنة 2024 تم إلغائها.
التعليقات