علق إكرامي الشحات، حارس مرمى منتخب مصر السابق، على هزيمة الفراعنة أمام السنغال، بهدف نظيف، في نصف نهائي كأس أمم إفريقيا 2025، وأبدى انتقاده لمحمد الشناوي بسبب الهدف الذي سكن شباكه.
قال إكرامي الشحات في برنامج «اللعيب» على قناة MBC: “أنا حزين جدًا على محمد الشناوي، خاصة بعد مباراة السنغال، وكنت أدافع عنه في المباراة السابقة أمام كوت ديفوار، لكن دلوقتي مش قادر أجد مبرر للدفاع عنه، لأنه عنده إمكانيات أكبر من كده بكتير”
وفي نفس السياق، أضاف: “المشكلة اللي بتتكرر مع الشناوي إنه بيقعد على ركبتيه من غير محاولة حقيقية للتصدي، وده حصل في مباراة كوت ديفوار عند الهدف الأول، وتكرر بنفس الطريقة أمام السنغال”
وأوضح أن هدف السنغال كان أسهل من هدف كوت ديفوار، لأنه في الهدف الأول كان في زحام داخل منطقة الجزاء، لكن في هدف السنغال كانت الرؤية واضحة، والكرة اتسددت من مسافة بعيدة، ورغم كده الشناوي ما فكرش يقوم بأي محاولة للتعامل معها.
واختتم إكرامي الشحات حديثه مؤكدًا أن انتقاده للشناوي جاي من عدم رد فعله تجاه الكرة، رغم إنها كانت قريبة منه وفي المتناول.
التعليقات