شاركت الإعلامية رضوى الشربيني جمهورها بصورة جديدة عبر حسابها على إنستجرام، وظهرت فيها مع شقيقها محمد في لحظة عفوية تعبر عن قوة العلاقة بينهما. عبرت رضوى عن حبها الكبير له، وكتبت: “كل سنة وأنت أخويا وأبويا وسندي وصحاب عمري.. كل سنة وأنت طيب وسعيد ومتهني”.
تحدثت رضوى عن وجود شقيقها في حياتها وحياة عائلتها، واعتبرته “أحلى حاجة في حياتنا كلنا”، متمنية له أن تكون السنوات القادمة هي الأفضل. كما تميزت رسالتها بإفيه لاقى تفاعل كبير من المتابعين، حيث طالبت شقيقها بضرورة الزواج قريبًا قائلة: “وكفاية سنجلة بقى”.
رضوى الشربيني تكشف حقيقة طلاق إيمان الزيدي ومحمد عبدالمنصف
خلال حلقة من برنامجها “هي وبس” المذاع على دي إم سي، علقت رضوى على الجدل حول إعلان الفنانة إيمان الزيدي طلاقها من حارس المرمى السابق محمد عبد المنصف، مشيرة إلى أن الزواج استمر سبع سنوات بعيدًا عن الأضواء.
طلاق إيمان الزيدي من محمد عبدالمنصف
وأوضحت رضوى أن ما نشرته إيمان هو في الحقيقة خبران، حيث قالت: “ده مش خبر واحد، ده خبرين.. خبر إنها كانت متجوزة محمد عبد المنصف 7 سنين، وخبر إنها اطلقت منه”.
رضوى الشربيني: فين صورة الزواج؟
استغربت رضوى من إعلان الطلاق دون وجود أي إشارة سابقة للزواج، مضيفة: “إحنا شفنا صورة الطلاق، طب فين صورة الزواج؟ ما هو الإشهار مش بس في الطلاق، ده كمان من شروط الزواج”.
تابعت متسائلة: “حضرتك وإنتي بتتجوزي، كنتي عارفة إنه متجوز؟ ومتجوز بقاله 21 سنة؟ وهل كنتي قاعدة 7 سنين زوجة تانية غصب عنك؟”.
الزواج في السر والطلاق في العلن
واصلت رضوى حديثها متسائلة عن اتفاق الطرفين منذ البداية، قائلة: “هم اتفقتوا إن الزواج يبقى في السر والطلاق في العلن؟ طب خدتي بالك وإنتي بتنزلـي البوست ده إن في ست بقالها 21 سنة متجوزة وعندها ولاد، الخبر ده هيأثر عليهم إزاي قدام أصحابهم وقرايبهم؟”.
وأضافت: “مفيش ست تقعد 7 سنين زوجة تانية وهي متضايقة وغصب عنها، أكيد كان في رضا وسعادة طول الـ7 سنين”.
التعليقات