كييفوْ.. حكايات رمضان| حمادة صدقي يكشف عن واقعة غريبة مع الزمالك.. والأكلة التي يحبها

في شهر رمضان الكريم، يكون هناك عادات وتقاليد خاصة فيما يتعلق بالاستعداد لشهر الخير، فإن معظم نجوم الرياضة يعتمدون على هذه الطقوس والتقاليد في شهر القرآن.

وحرصت «بوابة الأسبوع» على معرفة طقوس أبطالنا الرياضيين في مختلف الألعاب خلال الشهر المعظم.

واليوم يحكى لنا كابتن حمادة صدقي نجم النادي الأهلي ومنتخب مصر السابق، عن استعداداته وتفاصيل يومه خلال شهر رمضان الكريم.

تفاصيل يومك سواء قبل الإفطار أو بعده؟

اليوم عندى مشغول جدا جدا خاصة بعد أن توليت منصب رئيس قطاع الناشئين بنادى زد فدائما فى اجتماعات مع الإدارة أو مع المدربين بجانب المباريات والبطولات الخاصة بنادى زد، واللى بتكون بعد الإفطار وبتبدأ أوقات الساعة 10 و11 بليل بخلصها وأروح علطول أستعد للسحور وصلاة الفجر، وطبعا خلال اليوم بصلى وأقرأ قرآن وخاصة أن الصلاة وقراءة القرآن بالنسبة ليا طول السنة مش مرتبطة بشهر رمضان الكريم فقط.

هل تهتم بالأعمال الرمضانية أم لا؟

أتابع مسلسل نعمة الأفوكاتو ومسلسل أعلى نسبة مشاهدة، ولكن على الموبايل مش من خلال التلفزيون.

ما هي الأكلات التي تفضلها في رمضان؟

أنا فى الأكل مريح جدا واللى موجود باكله بس ممكن أكون بحب البسبوسة بالقشطة جدا.

ما المواقف التي لا تنسى ودائما في ذاكرتك فى شهر رمضان؟

زمان وأنا بلعب في نادي المنيا كان عندنا ماتش مع الزمالك فى رمضان والمباراة كانت الساعة 3 والمدير الفنى للمنيا وقتها طلب من جميع اللاعبين الفطار، وعدم الصيام وقتها أنا روحت البيت علشان أصوم ودخلت نمت وقولت لأهلي فى البيت يصحونى علشان أروح الماتش لقيتهم صحوني لما التلفزيون نقل المباراة قولتلهم انتوا فاكرني هتفرج على الماتش ده أنا هلعب.. ونزلت بسرعة روحت على الملعب ولحقتهم وهما بيسخنوا.

ما النصيحة التي توجهها للشباب في شهر رمضان؟

شهر رمضان شهر واحد فى السنة وروحانياته بتكون عالية جدا ولابد من استغلالها ولكن نصيحتي أن الصلاة وقراءة القرآن الكريم لازم يكونوا مستمرين معانا طول السنة مش فى شهر رمضان فقط.

هل طقوسك في الماضى وأنت لاعب تغيرت عن الوضع الحالى أم لا؟

طقوسى اتغيرت على حسب العمر زمان وأنا صغير كنت بحب ألعب الدورات الرمضانية قبل اإفطار بجانب الخروج والسهر إنما دلوقتى رمضان بقى مع الأسرة والأصدقاء والسفر لأهلي في المنيا بجانب شغلي.